Hér má nálgast forrit sem eru ætluð til þjálfunar og mats á stöðu nemenda í nokkrum afmörkuðum námsþáttum. Forritin henta fyrir bæði einstaklings og hópavinnu og upplagt er að nýta þau til að hjálpa nemendum sem hafa af einhverjum ástæðum dregist aftur úr í náminu. Þetta er tilraunaverkefni og allar ábendingar eru vel þegnar.

Forritin eru sjálfstæð (óháð netsambandi eftir niðurhal) en virka einungis með Windows stýrikerfi . Virkni þeirra er í stuttu máli þannig að þau búa til dæmi eða verkefni, taka við lausnum og veita endurgjöf. Hér er listi yfir forritin með nánari upplýsingum og krækjum fyrir niðurhal:

1. Flatarmál og ummál. Finna flatarmál, ummál eða einstakar hliðar á flatarmyndum. Boðið er upp á rétthyrninga, þríhyrninga, skífur, trapisur, marghyrninga og ýmsa samsetninga. Niðurhal.
2. Rúmmál og yfirborð. Finna rúmmál, yfirborð og fleira í þrívíðum hlutum. Boðið er upp á ferstrendinga, sívalninga, þrístrendinga, kúlur, pýramída, keilur og kringlur. Niðurhal.
3. Hugarreikningur. Framkvæma reikniaðgerðir (samlagningu, frádrátt, margföldun, deilingu, blandaðar aðgerðir) á þremur tölum innan ákveðinna tímamarka. Hægt er að stilla tíma og tölustærðir. Niðurhal.
4. Liðun og þáttun. Þátta eða liða fyrsta og annars stigs margliður. Niðurhal.
5. Samlagning brota. Leggja saman þrjú talnabrot. Boðið er upp á aðstoð við samnefnara og lengingu brotanna. Niðurhal.
6. Talningar og líkur. Finna á hve marga vegu hægt er að framkvæma ýmsa hluti og hvaða líkur séu á tilteknum atburðum. Niðurhal.
7. Hornaföll. Finna horn og/eða hliðar á rétthyrndum þríhyrningi. Niðurhal.
8. Annars stigs margliða og fleygbogi. Leysa annars stigs margliðu og finna lykilpunkta samsvarandi fleygboga. Niðurhal.
9. Vextir og vaxtavextir. Finna hinar ýmsu stærðir í einföldum og samsettum vaxtareikningi. Formúlur og skýringar fylgja. Niðurhal.
10. Jöfnur með brotum. Niðurhal.
11. Jöfnur með brotum og svigum. Niðurhal.

Vandamál við keyrslu forritanna: Líklegt er að nýlegar uppfærslur á Windows hiki við að keyra sum forritanna og því er brugðið á það ráð að hlaða niður möppu með skrám sem auðvelda stýrikerfinu að greina hvað hér er á ferðinni. Þetta flækir málið svolítið fyrir notendur og því fylgja hér leiðbeiningar.

1. Hlaða niður möppu
2. Smella á möppuna. Skrárnar birtast.
3. Tvísmella á skrána með bláa deplinum (vexovax). Þá kemur áskorun um að opna möppuna (extract all).
4. Skrárnar birtast aftur. Tvísmella á skrána með bláa deplinum .
5. Viðvörun frá Microsoft Defender birtist. Smelltu á More info.
6. Takki sem gerir kleift að keyra forritið birtist (Run anyway). Smella á hann.

Þetta er smá fyrirhöfn en aðferðin veitir nægilegar upplýsingar þannig að ólíklegt er að varnir tölvunnar muni amast við forritinu. Eftir heppnað niðurhal er ekkert sem truflar notkun forritsins á viðkomandi tölvu.